مشتی خر

ده‌مێ كرده‌وه‌یێكی پیسی وه‌ك كوشتن به‌ش به‌ش بكرێته‌وه‌ و هه‌ر به‌شێكی بدرێ به‌ ده‌ستی كه‌سێكی دیاری كراو , ئه‌م كه‌سانه‌ به‌ بیانووی ئه‌وه‌ی ته‌نیا به‌رپرسی كارێكن كه‌ ئه‌مریان پێ كراوه‌ بێ تاوان نیشان ئه‌درێن و خودی كرده‌وه‌ ره‌نگ و بۆنی پیسی خۆی به‌ناوی یاسا له‌ده‌ست ئه‌دا و ئه‌بێته‌ شتێكی ئاسایی و قاتڵ ون ئه‌بێ . كاتێ له‌ بكه‌ری هه‌ر به‌شێكی كاره‌سات و شه‌ڕ پرسیار بكرێ بۆچی ؟ ئه‌و له‌ وه‌ڵاما ئه‌ڵێ من ته‌نیا ئه‌ركی خۆمم ئه‌نجام داوه‌ و هیچیكه‌ !.زوڵمی بێ زاڵم | ئاكام كامرانیبرچسب‌ها: ئاكام كامراني مشتی خر...ادامه مطلب

هه‌ر داهێنانێ له‌گه‌ڵ ئه‌وه‌ی ئاسانكارییێك دروست ئه‌كات , جه‌سته‌ و رۆحی مرۆڤ هه‌نگاوێك له‌ سروشت دوورت ئه‌خاته‌وه‌ , پێڵاو دروست كرا پێ له‌ زه‌وی دوور كه‌وته‌وه‌ , چه‌ك دروست كرا مرۆڤ له‌ یه‌كتر دوور كه‌وته‌وه‌ ..داهێنان | ئاكام كامرانیداهێنان : اختراعبرچسب‌ها: ئاكام كامراني مشتی خر...ادامه مطلب

به‌رهه‌می زانست وه‌كوو وتاری خودایه‌ , له‌ ده‌روونی مرۆڤ په‌ره‌ ئه‌سێنێ و قورس ئه‌بێت , تۆ یان له‌به‌ر پڕباری به‌رهه‌م , لووت به‌رز و مه‌غروور ئه‌بیت یان له‌به‌ر قورسی به‌رهه‌م , له‌ ده‌رووندا ئه‌شكێی , به‌ڵام گه‌ر وا بیر كه‌ینه‌وه‌ كه‌ وه‌كوو دره‌ختین , پێویسته‌ رێگه‌ی ناوه‌ڕاستی ئه‌م دوو كاره‌ساته‌ هه‌ڵبژێرین ; بچه‌مێینه‌وه‌ .شانازی چه‌نێ بێ مانایه‌ , هه‌موو دیارده‌كانی دنیا و جیهان خه‌ریكن ئه‌م راستییه‌ ده‌ڵێن كه‌ هیچ شتێ ئه‌به‌دی نییه‌ , به‌ڵام پرۆسه‌ی ژیان بۆ وامان لێ ئه‌كا له‌و راستییه‌ دوور كه‌وینه‌وه‌ و به‌رده‌وام بیر و هه‌ستمان له‌و بابه‌ته‌ بپارێزین كه‌ نه‌مان و هیچ بوون حه‌قیقه‌ته‌ . یوونانییه‌كان بڕوایان وابوو ئه‌و هه‌نگاوانه‌ی بۆ گۆڕینی چاره‌نووس هه‌ڵیان ئه‌گری رێك ئه‌وبه‌ن به‌ره‌و پیری چاره‌نووس . بڕێ جار‌ گه‌ر دیاری بكه‌ین بۆ خۆمان كه‌ چی بین ( چ چاك چ خراپ ) چاره‌نووس دۆمینه‌كان وه‌ها ئه‌چنێ بۆمان كه‌ ببین‌ به‌وه‌ . چاره‌نووس خه‌ون و ئاواتێكه‌ كه‌ سه‌رنجی راكێشاوی واته‌ مرۆڤ و بیری مرۆڤ هه‌موو شتێكه‌ , وه‌ك چۆن میكل ئانجلۆ سه‌رده‌می خۆی به‌ كێشاندنی پۆرتره‌ی ئاده‌م له‌سه‌ر كنێسه‌ی سیستین نیشانی داوه‌ .ئه‌مه‌ هه‌زارمین وته‌ و ئاخرین وته‌یه‌‌ له‌ خۆم و له‌ ناو ئه‌م وبلاگه‌ كه‌ بۆ ماوه‌ی ١٩ ساڵه‌ له‌سه‌ریا به‌رده‌وامم , هه‌ركێی , له‌ هه‌ر جێگه‌ و پێگه‌یێكیت , چ نێرینه‌ی چ مێنگینه‌ , تۆ وه‌ك مرۆڤێ خاوه‌نڕێزی و من سپاست ئه‌كه‌م كه‌ كاتت داناوه‌ , ئه‌مه‌ دوایین قسه‌ بوو هیوادارم دادپه‌روه‌رانه‌ سه‌یری خودا و جیهان و سروشت و ژیان و مرۆڤ بكه‌ی . ماڵئاوا....ماڵئاوا | ئاكام كامرانیچه‌میان : خم شدنپۆرتره‌ی خلقه‌ت : (پرتره‌ آفرینش) له‌و پۆرتره‌ میكل ئانژ ئاده‌می به‌م چه‌ش مشتی خر...ادامه مطلب

نوێنه‌رانی خودا له‌ واتای خودا ناڕێك تێگه‌یشتوون , چونكه‌ خودا به‌ پێی ئاگایی و زانستی تایبه‌تی خۆی حه‌قی ژیانی به‌ هه‌ر بوونه‌وه‌رێك داوه و جێگه‌ و پێگه‌ی تایبه‌تمه‌ندی خۆی پێ به‌خشیوه‌‌ , واته‌ هیچ دیارده‌یێ له‌ هه‌ستی بێ به‌ش نییه‌ .ئێمه‌ دێین به‌ پێی ویستی خۆمان بڕیار ئه‌ده‌ین كه‌ كێ مافی هه‌یه‌ بوونی هه‌بێ له‌م دنیا و كێ مافی نییه ‌بوونی هه‌بێ و ئه‌و بڕیاره‌ به‌ ویستی خودا ئه‌زانین . گه‌ر سه‌یری قورئان بكه‌ین خودا خۆی به‌ « ربُّ العالمین » ناو ئه‌بات كه‌ واتایێكه‌‌ بانتر‌ له‌ ربُّ المسلمین . خودا له‌و په‌رتووكه‌ خۆی به‌ خودایێك بۆ گشتی ناونیشان ئه‌كات ..ربُّ العالمین | ئاكام كامرانیبرچسب‌ها: ئاكام كامراني, قرآن مشتی خر...ادامه مطلب

ژن و مێرد له‌ ژیانی هاوسه‌ری خۆیان فێری گه‌مه‌ كردنێ ئه‌بن له‌گه‌ڵ یه‌كتر كه‌ لودویگ ویتگنشتاین پێی ئه‌ڵێ گه‌مه‌ی زمانی یان گه‌مه‌ی زار , ژن كاتێ ئه‌ڵێ : « له‌ تۆ ناهومێدم ! » خه‌ریكه‌ گه‌مه‌یێكی زمانی ده‌س پێ ئه‌كا كه‌ تۆ هومێدی پێ بده‌یته‌وه‌ , تۆش چونكه‌ له‌ یاسای ئه‌و گه‌مه‌ ماوه‌یێكی زۆره‌ تێگه‌یشتووی له‌ وه‌ڵاما ئه‌ڵێی ; دوێكه‌ خاوه‌نكاره‌كه‌ وتی هه‌ركێ تا سه‌ری ساڵ بخاوێنێ و داوای مووچه‌م‌ لێ نه‌كا پووڵی نیوه‌ی ساڵی به یه‌‌كجار پێ ئه‌ده‌م . به‌ دروست كردنی هومێد له‌ داهاتوو به‌ یارمه‌تی گه‌مه‌ی زمانی و خه‌لقی واتایێكی نوێ ده‌رفه‌ت بۆ سازینی دڵنیایی و خۆشه‌ویستی پێك دێنی ئه‌گه‌رچی له‌وانه‌یه‌ هه‌ردوو لایه‌نیش به‌ هه‌ڵه‌ كه‌وتوون ..گه‌مه‌ی زار | ئاكام كامرانیبرچسب‌ها: ئاكام كامراني, لودویگ ویگنشتاین مشتی خر...ادامه مطلب

دار دیارده‌یێكی ته‌واوه‌ واته‌ هه‌ر شتێكی له‌ قامووسی دار بوون پێویست بووه‌‌ پێی دراوه‌ و كۆتا پتانسیه‌لی خۆی ده‌رخستووه‌ ،‌ چه‌‌قۆ وه‌ك ئه‌سپاوێ خۆی نیشان ئه‌دا‌ و ته‌واو و تێر و پڕ دۆخه‌كه‌ی روون و ئاشكرایه‌ , به‌ڵام مرۆڤ بابه‌تێكی جیاوازه‌ و قه‌ت ته‌واو نابێ , مرۆڤ به‌رده‌وام به‌شوێن پڕكردنه‌وه‌ی خۆیه‌تی و هه‌رده‌م له‌ دۆخی خۆی سه‌ركه‌شانه‌ ئه‌ترازێ تا زۆرتر په‌ره‌ بسێنێ .مرۆڤێكی ئایینی كه‌ له‌وانه‌یه‌ پاش ماوه‌یێ بێ دین بێ یان به‌ پێچه‌وانه‌وه‌ مرۆڤێكی بێ دین پاش ته‌مه‌نێ ره‌نگه‌‌ بگاته‌ ئه‌و باوه‌ڕه‌ی ئایین هه‌ڵبژێرێ , هه‌ر بۆیه‌ مرۆڤ ته‌نیا بوونه‌وه‌رێكه‌ كه‌ ده‌سه‌ڵاتی نا وتن به‌ بابه‌ته‌كانی پێ دراوه‌ و هه‌رده‌م به‌شوێن دۆزینه‌وه‌ی خۆیه‌تی ..ناته‌واو | ئاكام كامرانیبرچسب‌ها: ئاكام كامراني مشتی خر...ادامه مطلب

كابرایێ له‌سه‌ر رێگا ئه‌گاته هاوڕێیێكی خۆی كه‌ دوو كتێبی له‌ بنده‌ستدایه‌ , هاوڕێكه‌ی پرسیاری لێ ئه‌كا ئه‌و دوو كتێبه‌ چین ؟ ئه‌میش ئه‌ڵێ یه‌كیان مه‌نتقه‌ و یه‌كیانیش فه‌لسه‌فه‌ , پرسیار ئه‌كا مه‌نتق و فه‌لسه‌فه‌ چۆنن ؟ئه‌میش ئه‌ڵێ بۆ نموونه‌ تۆ كاتێ ئه‌ڵێی گا و گوێره‌كه‌مان هه‌یه‌ ئه‌شێ من بزانم‌ تۆ شیر و ماستیشت هه‌یه‌ له‌ ماڵ , ئه‌مه‌ یانی مه‌نتق , به‌ڵام كاتێ تۆ ئه‌ڵێی ژنه‌كه‌م له‌ ماڵه‌ من ره‌نگه‌ هه‌زار به‌راورد بكه‌م بۆ خۆم كه‌ ئایا له‌ ماڵ خه‌ریكی چێشت لێ نیانه‌ یان خه‌ریكی ئۆرام و ئه‌ركی ئاژه‌ڵه‌كانه‌‌ یاخود له‌وانه‌یه‌ خه‌ریكی خیانه‌تیش بێ ! كابرا تێك ئه‌چێ و له‌گه‌ڵ خۆیا بیر ئه‌كاته‌وه‌ كه‌ ئه‌م فه‌لسه‌فه‌ و مه‌نتقه‌ چ شتێكی جالبه‌ , بهه‌رحاڵ ئه‌ویش ئه‌چێ وه‌ك كابرای دۆستی دوو كتێبی مه‌نتق و فه‌لسه‌فه‌ ئه‌سێنێ که فیسی پێ‌ بكات . له‌ رێگا دۆستێكیش ئه‌گاته‌ ئه‌و و لێی ئه‌پرسێ به‌ڕاس كابرا تۆ كه‌ ئه‌هلی خوێندن نه‌بووی ئیسته‌ ئه‌م كتێبانه‌ چین به‌ ده‌سته‌وه‌ ؟ ئه‌میش ئه‌ڵێ وه‌ڵا مه‌نتق و فه‌لسه‌فه‌ن ! كابراش ئه‌ڵێ ده‌ی مانای چییه‌ ئه‌م مه‌نتق و فه‌لسه‌فه‌ ؟ له‌ وه‌ڵاما ئه‌ڵێ ئێوه‌ گا و گوێره‌كه‌تان هه‌یه‌ له‌ ماڵ ؟ ئه‌ویش ئێژێ به‌ڵێ هه‌مانه‌ , ئه‌ڵێ ده‌ی ژنه‌كه‌ت قه‌حپه‌یه‌ !.ناشاره‌زا | ئاكام كامرانیبرچسب‌ها: کوردەواری, ئاكام كامراني مشتی خر...ادامه مطلب

دره‌خت هه‌ناسه‌
بولبول به‌ ئاواز
سه‌گیش به‌ گه‌فین
هه‌ركێ به‌ خولقێ
. . . . دێته‌ قاڵ و قین !

خودا وه‌ك به‌رهه‌م
ئه‌به‌خشێ سه‌رجه‌م
. به‌ ده‌نگ به‌ هاوار
. . . . . به‌ شین به‌ گرین !

.
هه‌ركێ به‌جۆرێ | ئاکام کامرانی

برچسب‌ها: ئاكام كامراني, ھەڵبەستەکان

مشتی خر...

ئه‌گه‌ر زه‌مه‌ن وه‌ك بوعدێك سه‌یر بكه‌ین ئه‌وانه‌ی مه‌زنتر له‌ ئێمه‌ن ئه‌توانن فایلی ژیانی ئێمه‌ وه‌ك فله‌ش مێمۆرییێك كه‌ چركه‌ به‌ چركه‌ی هه‌ڵگیراوه‌‌له‌ سوقانبه‌ندی زه‌مه‌ن , له‌گه‌ڵ خۆیان ئه‌ملا و ئه‌ولای پێ بكه‌ن و سه‌یری كه‌ن . زه‌مه‌ن ئه‌توانێ باشترین ئه‌سپاو بۆ دیتنی هه‌ر ساته‌ی ژیانی ئێمه‌ بێ بۆ داهاتوو ..گرته‌ی ژیان | ئاكام كامرانیبرچسب‌ها: ئاكام كامراني مشتی خر...ادامه مطلب

ئیسته‌نلی میلگرام بڕوای وابوو كه‌ لێكدانه‌وه‌ی كرده‌وه‌ی كۆمه‌ڵگا به‌ تاك و گشتی كارێكی هه‌ڵه‌یه‌ و ته‌رخان كردنی وه‌خته‌ , شتێك كه‌ گرنگ بوو له لای میلگرام ناسین‌ و لێكۆڵینه‌وه‌ی ده‌روونناسانه‌ی سه‌رپۆلی هره‌مه‌ له‌ هه‌ر كۆمه‌ڵگا یان سیستمێكی حكوومه‌ت یان ده‌وڵه‌تی . به‌ بڕوای میلگرام كرده‌وه‌ و هه‌وڵدانه‌وه‌ی هه‌ر كۆمه‌ڵگا په‌یوه‌ندی راسته‌وخۆی له‌گه‌ڵ شێوه‌ی بیركردن و هه‌وڵدانه‌وه‌ی سه‌رپۆلی هره‌مه‌ كه‌ ئه‌بێته‌ سه‌ركرده‌ یان رابه‌ری ئه‌و كۆمه‌ڵگایه‌ . كه‌ واته‌ گه‌ر به‌ ته‌ماین بزانین له‌ كۆمه‌ڵگایێ , سه‌ربازگه‌یێ یان ته‌نانه‌ت ماڵێ رێزگرتن حاكمه‌ یان شپرزی حاكمه‌ ئه‌وه‌ به‌ر له‌ هه‌ر شتێ ئه‌شێ بزانین سه‌رلوتكه‌ی ئه‌و شوێنه‌ به‌ڕێوه‌به‌رێكی رێكه‌‌ یان ناڕێكه‌‌ ..سه‌رلوتكه‌ | ئاكام كامرانیبرچسب‌ها: ئاكام كامراني مشتی خر...ادامه مطلب